Përmbytjet në Kosovë, Vuçiç ofron ndihmën e qeverisë së Serbisë

BEOGRAD (AA) – Gjatë bisedës telefonike me kryeministrin e Kosovës, Isa Mustafa, kryeministri serb Aleksandar Vuçiç ka ofruar ndihmën e Qeverisë së Serbisë për rehabilitimin pas përmbytjeve që goditën disa komuna të Kosovës, raporton Anadolu Agency (AA).

Siç deklaron Zyra për shtyp e kryeministrit të Serbisë, Vuçiç sot ka biseduar në telefon me Mustafën për zbatimin e marrëveshjes së Brukselit dhe vazhdimin e dialogut me Prishtinën, dhe me "këtë rast ka ofruar ndihmën e qeverisë së tij, për rehabilitimin pas përmbytjeve që goditën disa komuna të Kosovës".