Përplasen dy anije në jug të Suedisë, 2 të zhdukur

Dy anije mallrash u përplasën sot në jug të Suedisë ndërsa të paktën 2 persona rezultojnë të zhdukur, theksuan autoritetet daneze dhe suedeze, transmeton Anadolu Agency (AA).

Mediat raportuan se British Scot Carrier dhe anija daneze Karin Hoej u përplasën në jug të Ystad në Suedi, pranë ishullit danez Bornholm.

Një nga anijet u përmbyt gjatë përplasjes. “Disa anije dhe helikopterë janë dërguar në vendngjarje”, theksuan autoritetet në Suedi dhe Danimarkë.

Nuk dihen shkaqet e përplasjes, por dyshohet se incidenti ka ndodhur për shkak të dukshmërisë së dobët të shkaktuar nga mjegulla.