Roja bregdetare e Indisë në alarm pas derdhjes së naftës në bregdet

Rojet bregdetare të Indisë u vunë në gatishmëri sot pas derdhjes së naftës nga një anije mallrash me flamur portugez rreth 450 kilometra nga qyteti Chennai në bregdetin juglindor të këtij vendi, transmeton Anadolu Agency (AA).

"Një anije kontejnerësh me flamur portugez MV Devon, në kalimin nga Colombo në Haldia, Bengalin Perëndimor në Indi, zhvilloi një çarje nënujore në rezervuarin e karburantit që përmban rreth 120 kilolitra vaj karburanti me squfur shumë të ulët", thuhet në njoftimin e rojes bregdetare.

Çarja rezultoi në derdhjen e rreth 10 kilolitrave (2,642 galona) naftë në det para se të merreshin veprimet parandaluese dhe nafta e mbetur të transferohej në një rezervuar tjetër nga ekuipazhi i anijes, thuhet më tej.

E drejtuar nga 17 anëtarë ekuipazhi, anija bart 10,795 tonë ngarkesë të përgjithshme në 382 kontejnerë. Ai vazhdon udhëtimin për në Haldia, ku pritet të arrijë më 18 qershor 2021.

MV Devon ka raportuar se anija është e qëndrueshme, theksohet në njoftimin, duke shtuar se zyrtarët e rojes bregdetare ishin në kontakt të vazhdueshëm me të.