Rritet në 35 numri i infeksioneve me variantin Omicron në territoret palestineze

Numri i infeksioneve me variantin Omicron të koronavirusit në territoret palestineze është rritur në 35, tha Ministria e Shëndetësisë e Palestinës, transmeton Anadolu Agency (AA).

Në një deklaratë, zëdhënësi i ministrisë Kamal Al-Shakhra tha se një rast i virusit është zbuluar në Rripin e Gazës.

Ai tha se shumica e të infektuarve kanë ardhur nga jashtë territoreve palestineze.

Autoritetet shëndetësore palestineze raportuan tre rastet e para të variantit të ri më 23 dhjetor.

Organizata Botërore e Shëndetësisë ka paralajmëruar se varianti Omicron përhapet dukshëm më shpejt se lloji Delta.