Rusia vendoset në bazën Tishrin të zbrazur nga SHBA-ja

Rusia është vendosur në bazën e zbrazur nga SHBA-ja në digën Tishrin mbi lumin Eufrat në Siri, raporton Anadolu Agency (AA).

Sipas pamjeve të siguruara nga AA-ja, mësohet se autokolona ushtarake me flamur rus ka hyrë në bazën e ndërtuar në digën mbi lumin Eufrat.

Dorëzimi i bazës është bërë pas fjalimit që komandant rus mbajti krah përkrah me Shervan Dervish, një nga anëtarët e organizatës terroriste YPG/PKK.

Gjatë kësaj ka tërhequr vëmendjen që komandanti rus dhe terroristi në fjalë kanë shkëmbyer flamurin turk me të ashtuquajturin "flamur" të organizatës.

Javën e kaluar Rusia u vendos në bazat Sirrin dhe Sebit

Javën e kaluar Rusia u vendos edhe në bazat Sirrin dhe Sebit që SHBA-ja i zbrazi në rajonin Ayn al-Arab (Kobani) në lindje të lumit Eufrat.

Diga Tishrin që ndodhet në pjesën perëndimore të lumit Eufrat, kaloi nën kontrollin e YPG/PKK-së me mbështetjen e SHBA-ve më 27 dhjetor 2015.

Diga ishte pika e parë të organizata terroriste okupoi në perëndim të Eufratit. SHBA-ja ndërtoi bazën e saj në digë në janar 2016.

Aktivitete zgjerimi në afërsi të aeroportit Qamishli

Ndërkohë mësohet se Rusia ka zgjeruar territorin përreth një ndërtese të cilën ajo e përdor në afërsi të aeroportit Qamishli nën kontrollin e regjimit në veriperëndim të Sirisë.

Një ditë më parë në rajon mbërritën rreth 20 këshilltarë ushtarakë rusë, dhjetëra ushtarë dhe mjete të blinduara.