Shkollat e New Yorkut u mbyllën për festën e Kurban Bajramit

NEW YORK (AA) - Shkollat ​​publike të New Yorkut u mbyllën të enjten për herë të parë në respekt të festës islame të Kurban Bajramit. Për herë të parë në histori, shkollat e qarkut më të madh të vendit ishin të mbyllura për shkak të kësaj feste, raporton Anadolu Agency (AA).

"Duke qenë një qytet multikulturor është e qartë dhe kuptohet se do të respektojmë besimet e të gjithëve", deklaroi zyrtarja e lartë e Arsimit në New York, Carmen Farina, në Muzeun e Manhatanit, kur fëmijët po festonin Kurban Bajramin.

Qyteti ka shtuar dy festat më të rëndësishme fetare të muslimanëve në kalendarin zyrtar shkollor në muajin mars.

Vendosja e dy Bajrameve si festë zyrtare ishte një nga premtimet e fushatës së kryebashkiakut aktual Bill de Blasio.

Mbyllja e shkollave nënkupton se ka kursyer shumë nxënës musliman nga përzgjedhja që duhej të bënin për këtë ditë- të ndiqnin mësimet në shkollë, apo të festonin ditën Kurban Bajramit.

Në pesë lagje të New York City jetojnë rreth 1 milion muslimanë, kurse nxënësit muslimanë përbëjnë afërsisht 10 përqind të nxënësve të shkollave publike të qytetit, sipas një studimi të Universitetit Columbia të vitit 2009.