Siri, në sulmet ajrore në Idlib 12 civilë të vrarë

IDLIB (AA) – Në sulmet ajrore në tregun e Kafr Nable-s, i cili i takon provincës së Idlibit në Siri, u vranë 12 civilë dhe u plagosën 23 të tjerë, raporton Anadolu Agency (AA).

Anëtari i Mbrojtjes Civile lokale, Omer Ulvan ka thënë se sulmet i kanë kryer avionët e ushtrisë siriane.

"Avionët e forcave të regjimit bombarduan tregun në qendër të qytetit. Përveç humbjeve në njerëz, ka patur zjarr në shumë automjete dhe dyqane. Ekipet e Mbrojtjes civile shuan zjarrin, por janë shkaktuar dëme të konsiderueshme", tha Ulvan.

Sipas tij, personat e plagosur janë shtruar në spital, kurse disa prej tyre janë në gjendje të rëndë.