Talibanët njoftojnë marrjen e plotë të kontrollit në provincën Panjshir

Talibanët kanë korrur fitore ndaj Frontit të Rezistencës Popullore të Afganistanit, organizatës ombrellë të grupeve të armatosura, dhe provinca Panjshir është marrë nën kontroll, tha zëdhënësi i talibanëve Zabihullah Mujahid, transmeton Anadolu Agency (AA).

“Foleja e fundit e armikut, provinca Panjshir, gjithashtu marrë nën kontroll plotësisht”, tha Mujahid në Twitter, duke shtuar se me marrjen e kësaj province, lufta në gjithë vendin ka përfunduar.

Ndryshe, Fronti i Rezistencës Popullore të Afganistanit, i udhëhequr nga Ahmed Massoud, djali i ish-ministrit të Mbrojtjes Ahmad Shah Massoud, kishte bërë disa kërkesa nga talibanët në lidhje me sistemin e ri qeverisës që do të krijohej në vend pasi talibanët morën Kabulin më 15 gusht.

Bisedimet nuk dhanë asnjë rezultat dhe talibanët transferuan forcat e tyre të armatosura në këtë rajon. Thuhet se të dyja palët pësuan humbje të mëdha në përplasjet që ndodhën për rreth një javë.