WASHINGTON (AA) – Në Samitin e Singaporit, presidenti i SHBA-ve Donald Trump dhe lideri i Koresë së Veriut Kim Jong-un nënshkruan marrëveshje bilaterale gjithëpërfshirëse bashkëpunimi, raporton Anadolu Agency (AA).
Samiti historik i presidentit amerikan Trump dhe liderit të Koresë së Veriut Kim Jong-un u mbajt herët në mëngjes në hotelin luksoz Capella të ishullit Santosa.
Trump në adresimin e tij para gazetarëve tha se sërish do të takohet me Kim-in.
“Kemi zhvilluar marrëdhënie speciale. Jam krenar që jam këtu me të. Procesi i çarmatosjes bërthamore të Gadishullit Korean do të fillojë shpejtë”, tha Trump.
Duke theksuar se samiti ishte shumë i suksesshëm, Trump paralajmëroi se do të ftojë Kim Jong-un për vizitë në Shtëpinë e Bardhë, duke shtuar se procesi i çarmatosjes bërthamore së shpejti do të fillojë.
Trump ka vlerësuar udhëheqësin e Koresë së Veriut, Kim Jong-un si një negociator shumë të aftë.
“Pashë se ishte shumë i aftë dhe se e donte shumë vendin e tij”, tha Trump.
Edhe lideri i Koresë së Veriut Kim Jong – un tha se samiti ishte shumë i suksesshëm.
“Bota do të jetë dëshmitare e ndryshimeve të rëndësishme. Me Trump-in u dakorduam që ta lëmë pas të kaluarën”, porositi Kim.
Trump dhe Kim pas deklaratave edhe njëherë i shtrënguan duart para gazetarëve, ndërsa në pas lëshuan sallën.
Pritet që të dy liderët gjatë ditës të braktisin Singaporin.
