Trump urdhëron vendosjen e trupave për të "mbrojtur" Portlandin

WASHINGTON (AA) - Presidenti Donald Trump njoftoi se ka urdhëruar vendosjen e trupave amerikane në Portland, Oregon, duke përmendur kërcënime të dyshuara ndaj objekteve federale dhe sigurisë publike të qytetit, transmeton Anadolu.

“Me kërkesë të Sekretares së Sigurisë Kombëtare, Kristi Noem, po udhëzoj Sekretarit të Luftës, Pete Hegseth, që të sigurojë të gjitha trupat e nevojshme për të mbrojtur Portlandin e përfshirë nga lufta dhe çdo objekt të ICE-së tonë nën rrethim nga sulmet e Antifa-s dhe terroristëve të tjerë vendas”, tha Trump në “Truth Social”.

Trump tha se ai gjithashtu “po autorizon përdorimin e forcës së plotë, nëse është e nevojshme”.

Sipas mediave lokale, agjentët federalë dhe protestuesit janë përleshur rregullisht jashtë ndërtesës së Imigracionit dhe Doganave (ICE) pranë bregdetit jugor të Portlandit.

Udhëheqësit e Portlandit kërkuan qetësi mes raportimeve për një rritje të oficerëve federalë në ndërtesën e ICE-së.