Vietnami konfiskon një anije kineze dhe ndalon ekuipazhin në gjirin Tonkin

HANOI (AA) - Për shkak të shkeljeve të ujërave vietnameze, autoritetet e këtij vendi për herë të parë konfiskuan një anije kineze dhe ndaluan kapitenin dhe ekuipazhin e anijes, raporton Anadolu Agency (AA).

Gazeta "Thanh Nien" shkruan se anija kineze u soll dhe u ankorua në portin e qytetit vietnamez Hai Phong, ndërsa ekuipazhi u ndalua për t'u marrë në pyetje po në këtë qytet.

Roja bregdetare e Vietnamit tha se ka kapur një anije kineze e cila për nga pamja i ngjan një anije peshkimi, në të cilën në afërsi të ishullit Bach Long Vi në gjirin Tonkin u gjetën 100 mijë litra mazut.