Yıldırım ngushëllon Tsipras-in për rrëzimin e avionit luftarak grek

ANKARA (AA) – Kryeministri i Turqisë, Binali Yıldırım, përcolli ngushëlimet homologut të tij grek, Alexis Tsipras, për vdekjen e një piloti luftarak pasi avioni i tij u rrëzua në Detin Egje, transmeton Anadolu Agency (AA).

Sipas një deklarate të Kryeministrisë së Turqisë, kryeministri turk ka folur në telefon me kryeminstrin grek rreth aksidentit dhe marrëdhënieve dypalëshe.

Kryeministria turke bëri të ditur se Yıldırım, në emër të tij dhe presidentit Recep Tayyip Erdoğan, shprehu ngushëllime për rrëzimin e avionit luftarak grek.

Dyshja u pajtua që të mbajnë kanalet e komunikimit të hapura për të diskutuar siç duhet çështjet aktuale ditëve në vijim. Yıldırım dhe Tsipras poashtu ranë dakord të ruajnë një dialog të ngushtë dhe të përqëndrohen në një axhendë pozitive për marrëdhëniet turko-greke.

Më herët gjatë ditës, Ministria e Mbrojtjes e Greqisë tha se një avion i tipit Mirage 2000-5 u rrëzua në verilindje të ishullit Skyros rreth orës 12:15 të kohës lokale), ku humbi jetën piloti.