Zgjedhjet në Turqi pasqyrim të gjerë në mediat amerikane

WASHINGTON (AA) - Në lajmet e mediave amerikane në lidhje me rezultatet e përgjithshme të zgjedhjeve të mbajtura më 1 nëntor në Turqi duke e konsideruar të mjaftueshme fitoren e arritur të AK Partisë për të qeverisur e vetme dhe duke vënë në dukje se partia në pushtet ka përmirësuar pozicionin e saj, janë transmetuar këto tituj "fitore mahnitëse" dhe "rikthim i shkëlqyer", raporton Anadolu Agency (AA).

Gazeta Washington Post, ka deklaruar se AK Partia pas zgjedhjeve të 7 qershorit duket se në zgjedhjet e mbajtura ditën e sotme ka fituar shumicën absolute të nevojshme për krijimin e qeverisë. Gazeta pas numërimit të 80 përqind të votave kur AK Partia ndodhej rreth 50 përqind shkroi se anëtarë të partisë AK janë mbledhur para selisë së Partisë pas rezultateve ku ajo edhe njëherë mund të formojë qeverinë e vetme.

Ndërsa Washington Post e cila ka vlerësuar se rezultati "ka qenë një goditje e konsiderueshme politike në emër të presidentit Recep Tayyip Erdoğan" dhe duke theksuar se thëniet për stabilitet të Erdoğan dhe AK Partisë ka bërë që të rifitojë votat edhe të qytetarëve nacionalistë edhe të kurdëve, ka theksuar se "rezultatet tregojnë se për partinë në pushtet ka patur një zhvillim të konsiderueshëm në zonën e juglindjes me popullsi me shumicë kurde".

- " AK Partia ka përmirësuar pushtetin e saj"

Ndërsa në lajmin e agjencisë Bloomberg është pohuar se Partia AK ka rimarrë votat që humbi në qershor dhe ka përmirësuar pushtetin e saj 13 vjeçar.

Në lajm ndër të tjera theksohet se AK Partia ka marrë më shumë vota se sa priste ku dhe vihet në dukje se këto rezultate kanë më shumë pritshmëri për të forcuar më shumë zyrën e presidencës së presidentit Erdoğan.

- "Fitore mahnitëse"-

Edhe agjencia e lajmeve Associated Press në lajmet e saj në lidhje me zgjedhjet e 1 nëntorit ka vlerësuar "rezultatet paraprake tregojnë se partia në pushtet ka rifituar shumicën absolute me një fitore mahnitëse".

- WSJ dhe NY Times: "rikthim i shkëlqyer"-

Gazeta Wall Street Journal ka theksuar se AK Partia duke marrë gjysmën e votave të votuesve ka arritur shumicën në parlament, dhe ka pohuar se "rikthimi i shkëlqyer" i AK Partisë ka rritur shpresat për të përmirësuar akoma edhe më shumë fuqinë e presidentit Recep Tayyip Erdoğan.

Ndërsa New York Times duke vënë në dukje se AK Partia ka arritur shumicën absolute në Parlament ka pohuar: "Nëse rezultatet do të jenë të tilla si një rikthim i shkëlqyer tregon se në Turqi edhe një legjislaturë do të ketë një qeveri me një parti dhe do të vazhdojë dominimi politik i Erdoğan".