Zjarr në malin më të lartë të Afrikës, Kilimanxharo

Zjarri që shpërtheu në malin më të lartë të Afrikës, Kilimanxharo në Tanzani, ende nuk është shuar që nga e premtja e javës së kaluar, transmeton Anadolu Agency (AA).

Sipas lajmeve në median kombëtare, zjarri në rajonin e Karangës i cili të premten e 21 tetorit u vu nën kontroll në fillim të javës, është përhapur në rajone të ndryshme.

Mësohet se zjarri nuk mund të shuhet nga erërat e forta ndërsa në operacionin për shuarjen e tij po marrin pjesë qindra zjarrfikës.

Deri më tani nuk ka viktima apo të plagosur nga zjarri.

Në malin Kilimanxharo ku çdo vit ngjiten mijëra turistë, në vitin 2020 u dogj nga zjarri një sipërfaqe prej 95 kilometrash katrorë.

Maja e Kilimanxharos, një nga malet më të larta në botë, është afërsisht 5.900 metra mbi nivelin e detit.