Fillon Samiti BE-Kanada, protestë kundër nënshkrimit të CETA-s

BRUKSEL (AA) – Në Bruksel ka filluar Samiti Bashkimi Evropian (BE) – Kanada, ku është planifikuar të nënshkruhet marrëveshja ekonomike dhe tregtare (CETA) mes BE-së dhe Kanadasë, raporton Anadolu Agency (AA).

Para ndërtesës së Këshillit të BE-së qindra protestues marshuan kundër nënshkrimit të marrëveshjes në fjalë. Kjo ka bërë që policia të shtojë masat e sigurisë, ndërkohë që ndërtesa është rrethuar me tela me gjemba.

Në një moment situata në protestë u përshkallëzua, pasi një grup protestuesish u futën në brendisë të ndërtesës së Këshillit që detyroi policinë të arrestojë disa prej tyre.