Fitch konfirmon vlerësimet për Britaninë dhe Kanadanë

Agjencia globale e vlerësimit Fitch Ratings ka njoftuar se ka konfirmuar vlerësimet e Britanisë dhe Kanadasë, transmeton Anadolu Agency (AA).

Vlerësimi i Britanisë u konfirmua në "AA-" dhe parashikimi i saj u rishikua në të qëndrueshëm nga negativ.

"Makroekonomia e fundit, tregu i punës dhe rezultatet fiskale që nga fillimi i vitit 2021 kanë treguar që ekonomia dhe financat publike të Britanisë janë më elastike ndaj ndikimit që shkaktoi pandemia sesa ishin pritjet e Fitch", thuhet në deklaratë.

"Përshtatja më e mirë e bizneseve për të punuar me kufizimet ekonomike dhe qëndrueshmëria më e madhe e konsumit privat dhe investimeve kanë rezultuar në rishikimin e vlerësimit tonë real të rritjes së PBB-së", shton deklarata.

Fitch tani parashikon që ekonomia e Britanisë të rritet me 6.6 për qind këtë vit, duke u rritur nga vlerësimi i saj i mëparshëm prej 5 për qind të bërë në janar. Ajo parashikon që rritja të jetë 5 për qind në vitin 2022.

Agjencia gjithashtu rishikoi parashikimin e Bankës së Anglisë në të qëndrueshme, nga negative, dhe konfirmoi vlerësimin e saj në "AA-".

Sa i përket Kanadasë, vlerësimi i vendit të Amerikës së Veriut u konfirmua në "AA +" me një parashikim të qëndrueshëm, duke thënë: "Ekonomia me të ardhura të larta është e avancuar dhe e larmishme".

"Vlerësimet pasqyrojnë pikat e forta strukturore të Kanadasë, duke përfshirë qeverisjen e fortë, stabilitetin politik dhe kornizën e makropolitikave, të cilat kanë dhënë rritje të qëndrueshme dhe inflacion të ulët dhe një përgjigje në kohë të pandemisë", tha agjencia në një deklaratë tjetër.

Fitch parashikon që ekonomia e Kanadasë të rritet me 6,6 për qind në vitin 2021 dhe 3,5 për qind më 2022.