FMN: Çmimi i naftës do të jetë 50.3 dollarë për fuçi në vitin 2021

Fondi Monetar Ndërkombëtar (FMN) vlerësoi se çmimet mesatare vjetore të naftës do të arrijnë në 50.3 dollarë për fuçi në vitin 2021, me një rënie prej 20 për qind nga mesatarja e vitit 2020, transmeton Anadolu Agency (AA).

Në parashikimin e saj të fundit Ekonomik Botëror të publikuar të martën, FMN deklaroi se çmimet e naftës ishin mesatarisht 41.29 dollarë për fuçi në vitin 2020 dhe pavarësisht nga rritja e vlerësuar në vitin 2021, çmimet pritet të jenë akoma nën mesataren e vitit 2019.

FMN kishte parashikuar që çmimet e naftës do të ishin mesatarisht 46.7 dollarë për fuçi në vitin 2021 në raportin e saj të parashikimit në tetor.

Sipas parashikimit, ekonomia globale do të rritet me 5.5 për qind në vitin 2021 dhe 4.2 për qind në vitin 2022 mes pasigurisë së jashtëzakonshme.

"Megjithëse miratimet e vaksinave të fundit kanë rritur shpresat për një kthesë nga dëmet e pandemisë më vonë këtë vit, rikthimi i valës dhe variantet e reja të virusit paraqesin shqetësime për opinionin", thuhet më tej.

FMN gjithashtu rishikoi parashikimin e tij për vitin 2021 deri në 0.3 pikë përqindjeje në krahasim me parashikimin e mëparshëm, "duke pasqyruar pritjet e një forcimi të aktivitetit me vaksina më vonë gjatë vitit dhe mbështetje shtesë të politikave në disa ekonomi të mëdha".