"Kërkesa globale e naftës do të rritet 6 për qind në 2021"

Kërkesa globale e naftës parashikohet të rritet 6.3 për qind këtë vit falë mbështetjes së parashikimeve më të mira ekonomike dhe treguesve të shpejtë dhe të fuqishëm fiskal, njoftoi Agjencia Ndërkombëtare e Energjisë (IEA), transmeton Anadolu Agency (AA).

Duke u ulur me 8.7 milionë fuçi në ditë në vitin 2020, kërkesa globale e naftës vlerësohet të rritet me 5.7 milionë fuçi në ditë në një mesatare prej 96.7 milionë fuçi në ditë, njoftoi IEA në raportin e saj mujor të naftës.

Agjencia paralajmëroi se rimëkëmbja mbetet e brishtë për shkak të numrit të rasteve me COVID-19 që rriten në disa vende konsumatore të rëndësishme.

Duke nënvizuar rishikimin e fundit të Fondit Monetar Ndërkombëtar (FMN), i cili ngriti parashikimin për rritjen e Produktit të Brendshëm Bruto (PBB) në 2021 me 6 për qind, agjencia tha se kjo përmirësoi parashikimin e FMN-së, përhapjen e shpejtë të vaksinave në SHBA dhe pakot e ardhshme të mëdha stimuluese në vend si dhe përmirësimin e të dhënave ekonomike nga Kina, që çoi në një parashikim më të mirë të kërkesës globale të naftës.

Në vitin 2021, konsumi më i lartë parashikohet të jetë në rajonin Paqësor-Azi me 35.9 milionë fuçi në ditë, e ndjekur nga Amerika me 30.3 milionë fuçi dhe Evropa me 13.9 milionë fuçi.

Rritet furnizimi global

IEA thekson se furnizimi global i naftës u rrit me 1.73 milionë fuçi në ditë në mars në 92.89 milionë fuçi në ditë kryesisht me ndihmën e frenimit shtesë të Arabisë Saudite prej 1 milion fuçi në ditë në shkurt, mars dhe prill.

Prodhimi i naftës bruto të OPEC-ut arriti 25.05 milionë fuçi në ditë në mars, duke regjistruar një rritje prej 210 mijë fuçi në ditë krahasuar me muajin e kaluar.

Prodhimi i vendeve jashtë OPEC-ut gjithashtu regjistroi rritje prej gati 1.51 milionë fuçi në ditë në 62.68 milionë fuçi në ditë.