Lukoil do të blejë filialin e Shell-it në Rusi

Kompania ruse e naftës, Lukoil, njoftoi se kanë arritur marrëveshje për blerjen e filialit të Shell-it në Rusi, Shell Neft, transmeton Anadolu Agency (AA).

Sipas njoftimit të bërë nga Lukoil, në negociatat me Shell është arritur një marrëveshje për blerjen e 100 për qind të Shell Neft.

Më tej në njoftim u bë e ditur se Shell Neft në Rusi ka 411 stacione karburantesh si dhe një fabrikë në Tver, në perëndim të Rusisë.

Më 8 maj Shell kishte njoftuar se kompania donte të përfundonte të gjitha aktivitetet e saj në sektorin energjetik rus.

Shumë kompani perëndimore, për shkak të sanksioneve të zbatuara pas luftës, pezulluan ose ndërprenë përkohësisht aktivitetet e tyre në Rusi.