SHBA renditet e para në botë për prodhimin e gazit natyror për shitje

ANKARA (AA) - Shtetet e Bashkuara të Amerikës janë renditur në vendin e parë për sa i përket prodhimit të gazit natyror të dedikuar për shitje, me 768.8 miliardë metra kub në vitin 2015, flasin të dhënat e buletinit vjetor të Organizatës së Shteteve Eksportuese të Naftës (OPEC), raporton Anadolu Agency (AA).

Vitin e kaluar prodhimi i gazit natyror në total ka kapur shifrat prej 3 trilionë e 643 miliardë e 701 milionë metra kub, thuhet në raport. Pas SHBA-ve vijojnë Rusia dhe Irani me 637.3 dhe 226.6 miliardë metra kub të prodhuara.

Ndërkohë, çmimi global i gazit natyror vazhdon të shënojë rënie si pasojë e mbifurnizimit dhe rritjes së tregtimit.

Për më tepër, SHBA-të kanë rritur prodhimin e gazit në pesë vitet e fundit. Sipas Administratës Informative Amerikane për Energji, në vitin 200 vendi ka përmbushur vetëm një për qind të nevojave të saja nga prodhimi i gazit argjilor, por kjo është rritur në 20 për qind në vitin 2010. Vendi synon të përmbushë 46 për qind të nevojave nga prodhimit i gazit argjilor.

Më 10 qershor, kreu i Agjencisë Ndërkombëtare të Energjisë (IEA), Fatih Birol parashikoi se çmimet e gazit natyror do të shënojnë rënie në vitet e ardhshme. Birol tha se kapaciteti global i eksportit të gazit natyror është rritur ndjeshëm, ndërsa në pesë vitet e ardhshme kapaciteti shtesë do të udhëhiqet nga SHBA dhe Australia.

Sipas raportit afatmesëm të agjencisë për tregun e gazit për vitin 2016, kërkesa për gazin natyror do të vazhdojë të rritet përgjatë pesë viteve të ardhshme duke ngadalësuar rritjen e kërkesës së energjisë primare dhe duke shënuar rënie në intensitetin global të energjisë.