Fundoset një varkë me refugjatë në Turqi, katër të vdekur

AYDIN (AA) – Roja bregdetare në Didim, në jugperëndim të Turqisë nga deti ka nxjerrë katër persona të cilët kanë humbur jetën si pasojë e fundosjes së varkës së peshkimit me refugjatë nga Lindja e Mesme, raporton Anadolu Agency (AA).

Në mesin e të vdekurve, tre janë fëmijë. Përmes reagimit të shpejtë arritën t’i shpëtojnë 43 persona, te cilët po ashtu gjendeshin në varkë. Edhe ky grup i refugjatëve sikur edhe shumë të tjerë para tyre, tentoi që në mënyrë ilegale nga Didim të kalojë në ishujt grekë.

Varka u fundos për shkak të një defekti të motorit, ku si pasojë uji ka hyrë në varkën në të cilën gjendeshin rreth 50 persona.
Kryesisht bëhet fjalë për refugjatë sirianë.