Instalacion në Sarajevë, "Republika Srpska" në formë të varrezës masive

SARAJEVË (AA) – Grupi qytetar Anti-Dejton ka vendosur mëngjesin e sotëm në qendër të Sarajevës një instalacion në formë të entitetit të Republikës Srpska (RS) në Bosnje e Hercegovinë (BeH) e cila pasqyron varrezat masive në BeH, raporton Anadolu Agency (AA).

Themeluesi i grupit, Nihad Aliçkoviç tha se ky instalim është vendosur me rastin e përvjetorit të gjenocidit të kryer mbi banorët e Srebrenicës, i cili shënohet më 11 korrik.

"Duam që në mënyrë të veçantë të shënojmë gjenocidin e kryer, të nxjerrim në rrugë para syve të njerëzve të vërtetën dhe faktet që njerëzit të shohin se si duket një varrezë masive, mbi çka qëndron RS-ja, që thjeshtë, njerëzit të cilët nuk kanë vizituar një varrezë masive të shohin se sa e dhimbshme është kjo, dhe të shohin peripecitë që ka kaluar populli boshnjak gjatë agresionit”, tha Aliçkoviç.