Holandezët përdorin biçikleta që në moshë të re

ABDULLAH AŞIRAN - Qytetarët në Holandë deri në fund të jetës e përdorin biçikletën, të cilën e kanë njohur në moshë të re, në çdo fushë, shkruan Anadolu.

Në Holandë, vendi ku përdoren më së shumti biçikletat, ato janë pjesë e përditshmërisë së çdo grupmoshe, nga 7 deri në 70-vjeç. Sipas hulumtimit, biçikletat në vend përdoren 42 për qind për rekreacion, 16 për qind për transport deri në punë, 13 për qind për transport në shkollë, 23 për qind për blerje dhe 6 për qind për qëllime të tjera.

Holanda, e cila ka infrastrukturë të veçantë për çiklizëm, ka 37 mijë kilometra shtigje biçikletash. Struktura gjeografike e vendit në formë të thjeshtë konsiderohet si avantazh për çiklistët.

Ka afërsisht 24 milionë biçikleta në vendin me një popullsi prej 18 milionë banorësh, i njohur si "vendi i biçikletave". Në vend ka mesatarisht 3 biçikleta për familje. Biçikletat preferohen në transport sepse janë të dobishme për shëndetin, ekonominë dhe parandalojnë problemet e trafikut, veçanërisht në qytetet e mëdha.

- "Kam mësuar të ngas biçikletën kur isha 3-vjeç"

Përdoruesi i biçikletës Tas Pesch për Anadolu tha se çiklizmi është liri. "Mendoj se kam mësuar të ngas biçikletë me tri rrota kur isha 3-vjeç, si të gjithë holandezët", tha ai.

Duke thënë se një biçikletë nuk do të thotë vetëm mjet transporti, por edhe të shohësh vende të bukura, të jesh jashtë dhe të ushtrohesh, Pesch tha: "Kështu që unë gjithmonë kam bërë gjithçka me biçikletë".

Jelle de Vries thotë se biçikleta është mjet i bukur dhe i shpejtë në qytet.

Duke vënë në dukje se biçikleta nuk shkakton probleme parkimi, Vries tha: "Mund të parkosh ku të duash. Unë jam mësuar me biçikletë. Kam dhe një biçikletë sportive që e nxjerr herë pas here në natyrë, por e shoh më shumë si një biçikletë funksionale. Unë vij nga një fshat i vogël. Në fshat njerëzit gjithmonë përdornin biçikletë".

- "Me biçikletë deri në 15 kilometra është më mirë se ngasja"

Renske Biesta tha se fëmijët e saj i mban gjithmonë me biçikletë, gjë që i bën fëmijët e saj të lumtur. "Me biçikletën kam nisur që kur kanë lindur. Me biçikletë deri në 15 kilometra është më mirë se të shkosh me makinë", tha ajo.

Jan Beukers tha se ai ka përdorur biçikletën për më shumë se 60 vjet. "Biçikleta është liri, hapësirë ​​e gjerë dhe komoditet. Shkoj kudo. Është e mirë për shëndetin, por mendoj se komoditeti është shumë i mirë. Komunakicioni është i lehtë, i lehtë për t'u parkuar, nuk ka tarifë parkimi dhe nuk keni nevojë të blini karburant".

- "Parku më i madh i biçikletave në botë"

Sipas të dhënave të Shoqatës Holandeze të Çiklistëve, Holanda ka 2.3 për qind të 1 miliard biçikletave në mbarë botën. Rreth një milion biçikleta të reja shiten në vend çdo vit dhe shumica e njerëzve përdorin biçikleta të përdorura.

Në vendin ku është aktiv aplikacioni i përbashkët i biçikletave, ka afro 22 mijë biçikleta në më shumë se 300 pika. Në Holandë ku çdo vit vidhen 500 mijë biçikleta, dëmi i shkaktuar nga kjo vjedhje arrin në 600 milionë dollarë në vit. Shtegu i parë i biçikletave në vend u hap në vitin 1885 në rrugën "Maliebaan" në Utrecht. Në Holandë, njerëzit iu drejtuan përdorimit të biçikletave pas rritjes së aksidenteve të trafikut me makina në vitet 1970.

Në vendin ku ka 37 mijë kilometra shtigje biçikletash, mesatarisht 1.108 kilometra për person përshkohen me biçikletë në vit dhe afro 19 miliardë kilometra në vit në të gjithë vendin. Biçikletat, të cilat janë të parkuara në skajet e kanaleve, pemëve dhe mureve përdoren më së shumti në kryeqytetin Amsterdam dhe qytetet Utrecht dhe Groningen.

Derisa rrethinat e stacioneve të trenave në vend janë të rezervuara si zona parkimi për biçikletat, "Parku i Biçikletave të Sheshit të Stacionit" i vendosur nën Sheshin e Stacionit pranë Stacionit të Trenit në Utrecht ka titullin "Parku më i madh i biçikletave në botë" me një kapacitet prej 12.500 biçikletash.