Dilara Karataş
23 tetor 2024•Përditësim: 24 tetor 2024
Presidenti i SHBA-së, Joe Biden ka thënë se kthimi i mundshëm i Donald Trumpit në Shtëpinë e Bardhë pas zgjedhjeve presidenciale të 5 nëntorit shqetëson liderët botërorë, transmeton Anadolu.
Në fjalimin e tij në New Hampshire, Biden vuri në dukje takimet e tij private me liderë të vendeve të tjera.
Ai thotë se liderët botërorë janë të shqetësuar për kthimin e sërishëm të Trumpit në pushtet. "Liderët njëri pas tjetrit, në heshtje po më tërheqin mënjanë dhe thonë "Joe, ai (Trump) nuk mund të fitojë. Demokracia ime është në rrezik".
Biden mbrojti idenë se nuk ka asnjë vend tjetër përveç SHBA-së që mund të udhëheqë botën.
- Biden flet me nënkuptim për "burg" për Trumpin
Pas fjalimit të tij, presidenti Biden shkoi në zyrën e fushatës në rajon dhe vazhdoi kritikat e tij ndaj Trumpit atje.
Duke mbrojtur idenë se Trump përbën "kërcënim" për demokracinë, Biden tha: "Ne duhet ta fusim atë në burg", por menjëherë më pas ndryshoi retorikën duke thënë: "Politikisht duhet ta lëmë jashtë. Kështu duhet të bëjmë".
Zëdhënësja e fushatës së Trumpit, Karoline Leavitt në deklaratën e saj mbi këtë temë deklaroi se Biden "shpreh të vërtetën" dhe tha se "Plani i atij dhe (kandidatit presidencial të Partisë Demokratike) Kamala (Harris) ishte që në fillim të persekutonin politikisht, sepse nuk mundën të mposhtnin rivalët e tyre, Trumpin me drejtësi".
