Çavuşoğlu bisedoi me Kerry-n luftën kundër terrorizmit

BRUKSEL (AA) - Ministri i Jashtëm i Turqisë, Mevlüt Çavuşoğlu, është takuar me homologun e tij amerikan në kuadër të takimit të krye diplomatëve të vendeve të NATO-s, raporton Anadolu Agency (AA).

Shefi i diplomacisë turke është takuar me homologun e tij amerikan në Bruksel pas takimit me ministrin e Punëve të Jashtme të Mqedonisë.

Në takimin mes Çavuşoğlu dhe Sekretarit amerikan të Shtetit John Kerry, thuhet se është folur për gjendjen e fundit në Siri, luftën kundër terrorizmit, zhvillimet e fundit në Irak dhe masat kundër luftëtarëve të huaj.

Ndërkohë pas takimit dy palësh me ministrin e Punëve të Jashtme të Bullgarisë Daniel Mitov, Çavuşoğlu është kthyer në Turqi.

Kreu i diplomacisë turke në kuadër të takimeve dypalëshe ditën e djeshme u takua me ministrin e Punëve të Jashtme të Greqisë Nikos Kotzias, kreun e diplomacisë holandeze Bert Koenders dhe ministrin e Punëve të Jashtme të Danimarkës Kristian Jensen.