Greqia do të marrë paketën e ardhshme të shpëtimit prej 3 miliardë eurosh

ANKARA (AA) - Komisioneri i Bashkimit Evropian për ekonominë Pierre Moskovici tha se Greqia do të marrë këstin e ardhshëm të ndihmës së shpëtimit nga kreditorët e saj evropianë, raporton Anadolu Agency (AA).

"Greqia ka përfunduar një numër të caktuar të reformave dhe ne do ti japim atyre para, 3 miliardë euro", tha Moskovici duke folur në radion "Europe 1".

Sipas tij, në nëntor Eurogrupi dhe institucionet kreditore të Greqisë - Fondi Monetar Ndërkombëtar (FMN), Banka Qendrore Evropiane (BQE) dhe BE-ja do të shqyrtojnë çështjen e rekapitalizimit të bankave greke.

Moscovici ka deklaruar ndër të tjera se programi i shpëtimit është në kohën dhe rrugën e duhur.