İbrahim Kalın: Rusia duhet t'u japë shans negociatave

Rusia duhet t'u japë një shans real negociatave që do të çonin në rezultate pozitive në terren, tha zëdhënësi presidencial i Turqisë, İbrahim Kalın, raporton Anadolu Agency (AA).

Kalın u tha gazetarëve pas një ngjarjeje në metropolin turk të Stambollit të shtunën se përleshjet në terren nuk duhet të vazhdojnë të shkaktojnë shkatërrim të mëtejshëm, në luftën e Rusisë kundër Ukrainës.

“Nuk duhet të vazhdojë shkatërrimi i mëtejshëm dhe ka nevojë për të mundësuar një rezultat konkret në tryezën e bisedimeve, i cili do të ndikojë në realitetet në terren në mënyrë më pozitive”, tha ai.

“Mesazhi që ata donin të jepnin u dha," tha Kalın, duke vënë në dukje se pala ruse duhet t’u japë një shans real negociatave.

Duke folur për përpjekjet diplomatike të Turqisë për t'i dhënë fund luftës, Kalın përmendi kontaktet intensive të Ministrisë së Jashtme të vendit, zyrtarëve turq relevantë dhe bisedat telefonike të presidentit turk Recep Tayyip Erdoğan.