"Marrëveshjet e Abrahamit nuk do të zgjidhin krizën e paqes në Lindjen e Mesme"

Ministri i Punëve të Jashtme i Katarit, Sheikh Mohammed bin Abdul Rahman Al Thani, përjashtoi mundësinë që marrëveshjet e normalizimit mes shteteve arave dhe Izraelit do të mund të zgjidhin krizën e paqes në Lindjen e Mesme, raporton Anadolu Agency (AA).

Kryediplomati i Katarit i bëri këto komente gjatë ditës së dytë të Forumit të Sigurisë Globale të mbajtur në Doha.

Al Thani theksoi se procesi paqësor rajonal nuk ka ndonjë horizont dhe prandaj "Marrëveshjet e Abrahamit" midis vendeve arabe dhe Izraelit nuk mund të kontribuojnë në zgjidhjen e krizës.

"Ne nuk shohim ndonjë perspektivë për procesin e paqes dhe për këtë arsye ne besojmë se Marrëveshjet e Abrahamit nuk mund të kontribuojnë në zgjidhjen e krizës," tha diplomati i lartë.

Emiratet e Bashkuara Arabe, Bahrejni, Maroku dhe Sudani nënshkruan marrëveshje për normalizim të marrëdhënieve me Izraelin, me ndërmjetësimin e SHBA-së, ndërsa këto u bënë të njohura si Marrëveshja e Abrahamit.

"Ne nuk duhet të përqendrohemi në normalizimin ekonomik dhe të harrojmë pushtimin e tokave arabe", tha Al Thani.