SHBA, robotët mësojnë t’iu thonë “jo” njerëzve

WASHINGTON (AA) – Shkencëtarët amerikanë janë duke realizuar një projekt për të mësuar robotët se si të refuzojnë urdhrat që ua japin njerëzit, raporton Anadolu Agency (AA).

Inxhinierët e Laboratorit për interaksion të robotëve dhe njerëzve në Universitetin Tufts në Boston po punojnë në mekanizmin i cili robotëve do t’u mundësohet t’i thonë jo njerëzve.

Shkencëtarët planifikojnë të mësojnë robotët si t’i thonë “jo” njerëzve kur për atë ekzistojnë shkaqe të arsyeshme.

Shkencëtarët amerikanë nuk tentojnë të mësojnë robotët vetëm të refuzojnë urdhrat, por edhe të sqarojnë pse e bëjnë atë dhe të jenë të gatshëm për ndryshimin e rrethanave.