Federata Botërore e Taekwondos dhuron 30 mijë dollarë për viktimat e tërmetit në Türkiye

Federata Botërore e Taekwondos ka dhënë një donacion prej 30 mijë dollarësh për qytetarët e prekur nga tërmeti në Türkiye, transmeton Anadolu.

Në deklaratën e Federatës Turke të Taekwondos thuhet se Federata Botërore e Taekwondos ka dhënë një donacion prej 30 mijë dollarësh.

"Presidenti i Federatës Botërore të Taekwondos, Chungwon Choue vizitoi ambasadorin e Türkiye-s në Seul, Murat Tamer në zyrën e tij pas katastrofës së tërmetit. Ai mori pjesë në takim me telekonferencë presidenti i Federatës Turke të Taekwondos, Metin Şahin, i cili po kryente hetime në zonën e fatkeqësisë. Choue shprehu pikëllimin dhe ngushëllimet e tij për fatkeqësinë dhe tha se si federatë kanë dhënë 30 mijë dollarë ndihmë për rajonin e tërmetit", thuhet në deklaratë.

Ndërkaq thuhet se Federata Evropiane e Taekwondos krijoi një llogari donacionesh dhe filloi një fushatë bamirësie për të prekurit e tërmetit.