Formula 1, Lewis Hamilton fiton Çmimin e Madh të Portugalisë

Piloti britanik i Mercedesit, Lewis Hamilton, ka fituar në garën për Çmimin e Madh të Portugalisë duke thyer rekordin prej 91 fitore të legjendës së Formula 1, Michael Schumacher, transmeton Anadolu Agency (AA).

Hamilton përfundoi garën me 66 xhiro për 1:29:56, duke marrë fitoren e tetë të sezonit në pistën ndërkombëtare Algarve.

Ai tani është bërë piloti më i suksesshëm i të gjitha kohërave në Formula 1 me 92 fitore.

Piloti tjetër i Mercedes-it, Valtteri Bottas, ishte 25,5 sekonda pas Hamiltonit, ndërsa Max Verstappen i Red Bull-Honda doli i treti me 34.5 sekonda pas fituesit.

Gara e 13-të e vitit 2020 do të zhvillohet në rajonin Emilia Romagna të Italisë më 1 nëntor.

Radhitja e pilotëve për vitin 2020:

1. Lewis Hamilton (Britani e Madhe) 256

2. Valtteri Bottas (Finlandë) 179

3. Max Verstappen (Holandë) 162

4. Daniel Ricciardo (Australi) 80

5. Charles Leclerc (Monaco) 75

Radhitja e konstruktorëve për vitin 2020:

1. Mercedes 435

2. Red Bull-Honda 226

3. Racing Point 126

4. McLaren 124

5. Renault 120