Gjithçka gati për super-derbin e Stambollit

STAMBOLL (AA) - SÜHA GÜR

Gjigantët e Superligës Turke, Galatasaray dhe Fenerbahçe, sot do të përballen për herën e 388-të në historinë e tyre në super-derbin e Stambollit, shkruan Anadolu Agency (AA).

Ndeshja e parë mes tyre u zhvillua më 17 janar të vitit 1909, të cilën Galatasaray e fitoi me rezultat 2-0, ndeshja e cila ishte miqësore. Në rivalitetin 109 vjeçar, Fenerbahçe kryeson në aspektin e fitoreve dhe golave të shënuara.

Klubi i kontinentit aziatik, në 387 ndeshje të zhvilluara ka fituar 146, ndërsa klubi i kontinentit evropian 123. Ndeshjet të cilat kanë përfunduar barazim mes këtyre dy rivalëve janë 118.

Fenerbahçe në këto ndeshje shënoi 532 gola, ndërsa Galatasaray u kundërpërgjigj me 482 gola.

- Ndeshja e 123-të në Ligë

Galatasaray dhe Fenerbahçe në historinë e Superligës Turke, e cila këtë vit zhvillohet për herë të 61-të, janë ndeshur 122 herë.

Fenerbahçe edhe këtu është para Galatasaray-it me 50 ndeshje të fituara kundër 33 të humbura. Në ligë këto dy ekipe nuk arritën të fitojnë në 39 ndeshje.

Në ndeshjet e ligës klubi verdhë e blu ka shënuar 154 gola, ndërsa ai verdhë e kuq 116 gola.

Ndërkohë 5 ndeshje nga gjithsej 10 të fundit mes klubeve kanë përfunduar barazim.

Fenerbahçe edhe këtu kryeson me 3 fitore, ndërsa Galatasaray 2 fitore.

Ndeshja e sotme do të luhet në stadiumin e Galatasaray-it, Türk Telekom, në orën 19.00.

10 ndeshjet derbi mes klubeve janë si vijon: