Verstappen fitues i Çmimit të Madh të SHBA-së në Formula 1

Piloti holandez i Red Bull-Honda, Max Verstappen është bërë fituesi i garës së 17-të të sezonit që u mbajt në SHBA, transmeton Anadolu Agency (AA).

Gara e 17-të e sezonit u zhvillua në Pistën Amerika e gjatë 5,5 kilometra në Austin, kryeqytetin e shtetit amerikan Teksas, me 56 xhiro.

Verstappen fitoi garën e 8-të të këtij sezoni ndërsa të 18-tën në karrierë.

Pas tij u renditën Lewis Hamilton me 1,3 sekonda pas liderit dhe Sergio Perez i treti me 42,2 sekonda.

Me këtë rezultat Verstappen, lideri tek klasifikimi i pilotëve, arriti në 287,5 pikë 12 më shumë se Hamilton.

Gara e 18-të e sezonit do të mbahet më 7 nëntor në Meksikë.

Klasifikimi i 5 vendeve të para për pilotët dhe ekipet pas Çmimit të Madh të SHBA-së janë si më poshtë:

Klasifikimi i pilotëve

1. Max Verstappen (Holandë): 287,5 pikë

2. Lewis Hamilton (Britani e Madhe): 275,5

3. Valtteri Bottas (Finlandë): 185

4. Sergio Perez (Meksikë): 150

5. Lando Norris (Britani e Madhe): 149

Klasifikimi i ekipeve

1. Mercedes 460,5

2. Red Bull-Honda: 437,5

3. McLaren-Mercedes: 254

4. Ferrari: 250,5

5. Alpine-Renault: 104