Martirizohen dy ushtarë turq në përleshje me terroristët

Dy ushtarë turq, të cilët u plagosën në një përleshje të armatosur me terroristët në lindje të Turqisë iu nënshtruan plagëve të marra, njofuan burime nga forcat e sigurisë, transmeton Anadolu Agency (AA).

Mbrëmë, katër ushtarë turq u lënduan në një shkëmbim zjarri me terroristët në provincën Tunceli, thonë burimet, të cilët flasin në kushte anonimiteti për shkak të kufizimeve për t'u deklaruar për mediat.

Ushtarët e plagosur u dërguan me shpejtësi në spitalin shtetëror në Tunceli, ku dy prej tyre iu nënshtruan plagëve.

Bëhet e ditur se akoma po vazhdon operacioni kundër terroristëve në zonë.

Burimet nuk specifikuan emrin e grupit terrorist, por në provincën Tunceli më herët kanë ndodhur akte terroriste nga organizata terroriste PKK apo nga grupe terroriste majtiste.

Organizata PKK, që është në listën e organizatave terroriste të Turqisë, SHBA-ve dhe BE-së, në ekspeditën e saj terroriste 30 vjeçare kundër Turqisë është përgjegjëse për vdekjen e rreth 40.000 njerëzve, duke përfshirë gra dhe fëmijë.