07 Sibat 2017•Rojanekirin: 09 Sibat 2017
ANKARA
Komîseriya Bilind a Mafên Mirovan a Neteweyên Yekbûyî (NY) li gor daxuyaniya 220 misilmanên ku ji ber bûyerên tundiyê ji Arakana eyaleta Myanmarê reviyane Bangladeşê, raporek amade kir.
Misilmanên Arakanê bi mehane ji cihên xwe tên dûrxistin.
Artêşa Myanmarê hezar û 500 avahiyên Rohîngyayiyan şewitandin.
Di raporê de hat gotin ku ji 9ê cotmeha 2016an vir ve li hember misilmanên Arakanê bûyerên tundiyê zêde bûn, jê 26 zarok 220 şahid ji ber bûyeran trawma dijîn, qetlîam, destdirêjî û talan çêbûne.
Hat gotin ku ji Arakanê hatin û çûyîn tên astengkirin, kesên ku bikaribin derbasî Bangladeşê bibin jî jê gelek li hember kuştin, tundî, destdirêjî, dizî, talan û zirarê tên û yan jî dibin şahidê van tiştan.
Artêşa Myanmarê, polês û gundiyên budîst bi taybetî mamosteyan, meleyan, aliman û rihspiyan dikujin.
- Zarok hatin kuştin
Hêzên ewlehiyê dest dirêjî zarokan kirin û ji her temenî zarokên keç û kur kuştin.
Rohîngyayî dema di operasyonan de ji hêla hêzên ewlehiyê ve hatin binçavkirin, êşkence li wan hat kirin û li hember wan tevgerên zalimane, biçûkdîtî û dijî mirovahiyê hat kirin.
Li eyaleta Arakanê di 9ê cotmehê de dema li êrişê qereqolên sînor hatin kirin jê 13 hêzên ewlehiyê 29 kes hatibûn kuştin, gelek leşker û polês çûbûn herêmê û operasyon hatibû destpêkirin.
Li bajarokên Maungdaw û Yathay Taungê ya ku qereqolên sînor lê hene, misilmanên Arakanê lê dijîn. Neteweyên Yekbûyî wan di dinyayê de wek civakeke herî zêde zilmê dibîne bi nav dike.
