Li Batmanê meşa "Leneta Terorê Daweta Biratiyê"

BATMAN

Meşa ku bi pêşkêşiya Şûbeya Batmanê ya Konfederasyona Sendîkayên Karmendan (Memûr Sen) bi beşdariya ji 100î zêdetir saziyên civakî yên sivîl, nûnerên partiyên siyasî û bi hezaran welatiyan hat lidarxistin ber derê Şaredariya Batmanê dest pê kir û li Qada Komarê xilas bû.

Digel şilî û hewaya sar bi hezaran welatî bi alayên tirkan ên di destê xwe de êrîşên PKK û DEAŞa rêxistinên terorê nelet kirin.

- "Bila teror û piştgirên wê qehr bin"

Vedat Çobanê astengdarê bedenê yê ku beşdatî mitîngê bû daxuyaniyek da nûçegihanê AAyê û got ku ji ber êrîşên terorê aciz in û Xwedê rehma xwe li hemû şehîdan bike.

Çoban teror şermezar kir û wiha axivî: "Em îro li Batmanê terorê nelet dikin, bi tundî şermezar dikin, bila teror qehr be û piştgirên terorê. Em li Tirkiyeya xwe xwedî derkevin, hemû bi hev re li welatê xwe xwedî derkevin. Êdî bes e em terorê naxwazin. Li bajarê me, herêma me û welatê me û li erdnîgariya misilmanan divê em hemû dijî terorê serî hildin. Ez bangî hemû welatiyên me dikim ku piştgirî bidin vê berxwedanê û dijî wan bibin sîper. û terorê bi tundî şermezar bikin"

Seroka Şûbeya Batmanê ya Komeleya Beyazayê ya Tirkiyeyê Ayla Işikê da zanîn ku divê her cure terorê mil bi mil bin û diyar kir ku wek gelê Batmanê mil bi mil dijî terorê li qadan in.

Işikê got ku "Hemû lîstikên ku li welatê me tên lîstin diyar in. Ji bo xirakirina vê lîstikê, nîşandana yekîtî û bihevrebûna gel wek gelê herêm û Batmanê em bûne yek û vir in."

Ji welatiyan Ethem Çetînkaya jî qal kir ji bo ku li yekîtî û bihevrebûna Tirkiyeyê, ala, dahatûya dewletê û Serokomar Recep Tayyîp Erdogan xwedî derkeve beşdarî meşê bû.

Sadettîn Ugurê got ku "Bila rêxistinên terorê qehr bin" jî got ku "Dê tu kes nekare ku yekîtî û bihevrebûna me xira bike. Dê tu kes nekare Tirkiyeyê bistîne."