رووخاندن و لابردنی داروپەردووی باڵەخانەکان لە هاتای بەردەوامە

هاتای - AA

کارەکانی رووخاندنی ئەو باڵەخانانەی کە بەهۆی بوومەلەرزەکانی شەشی شوباتەوە زیانی زۆریان بەرکەوتووە و پێویستە بەپەلە بڕووخێندرێن لە ٥٩ گەڕەکی پارێزگای هاتای بەردەوامە.

رووخاندنی ئەو باڵەخانانەی کە زیانێکی زۆریان بەرکەوتووە و مەترسییان دروست کردووە لە قەزاکانی ئانتاکیا و دەفنە بەبێ پچڕان بەردەوامە، هەروەها تیمەکان کارەکانی لابردنی داروپەردووی باڵەخانەکان ئەنجام دەدەن.

داروپەردووی باڵەخانەکان بە ئامێری بیناسازیی لەسەر بارهەڵگرەکان دەکرێن و دەگوازرێنەوە بۆ شوێنە دیاریکراوەکان لە دەرەوەی شار.

تیمەکانی بەرگریی شارستانی داروپەردووەکان بە ئاو دەپڕژێنن بۆ ئەوەی لە کاتی رووخاندن و بارکردندا، تۆزوخۆڵ دروست نەبێت.

لە کاتێکدا هێزە ئەمنییەکان رێوشوێنی ئەمنی لەو ناوچانە دەگرنەبەر کە رووخاندن و لابردنی داروپەردووی باڵەخانەکانی تیادا ئەنجام دەدرێت، بەشێک لە خاوەن ماڵەکان بەدواداچوون بۆ کارەکان دەکەن.