ساکاریا.. وەرگەڕانی پاسێك برینداربوونی 32 كەسی لێكەوتەوە

ساكاریا - AA

لە ئەنجامی وەرگەرانی پاسێكی نەفەرهەڵگرلەسەر رێگای ئانادۆڵو بەئاراستەی ئەنقەرە، 32 كەس برینداربوون.

بەپێی ئەو زانیارییانەی دەست ئاژانسی ئانادۆڵو كەوتووە، لەسەر رێگای ئانادۆڵو بەئاراستەی ئەنقەرە، پاسێكی نەفەرهەڵگر شۆفێرەكەی كۆنترۆڵی لەدەستداوە و وەرگەڕاوە.

دەستبەجێ ژمارەیەكی زۆر ئۆتۆمبێلی فریاكەوتن و تیمی ئاگركوژێنەوە رەوانەی شوێنەكە كران.

لە ئەنجامی رووداوەكەدا، 32 كەس برینداربوون و دەستبەجێ گواستراونەتەوە بۆ نەخۆشخانەكانی ناوچەكە.

راگەیەندراوە كە برینی پێنج لە بریندارەكان سەختە.