"٢٢ ساڵە پیشەسازیی بێ وەستان لە گەشەکردندایە"

ئەنقەرە - AA

لە راگەیەنراوێکدا وەزیری پیشەسازیی و تەکنەلۆجیا، مستەفا ڤارانک هەڵسەنگاندنی کرد بۆ ئامارەکانی نیشاندەری بەرهەمهێنانی پیشەسازیی بۆ مانگی تەمووز.

مستەفا ڤارانک باسی لەوەکردووە نیشاندەری بەرهەمهێنانی پیشەسازیی لەسەر ئاستی ساڵ لەسەدا ٥،٦ و لەسەر ئاستی مانگ لەسەدا ٣،٥ زیادیکردووە و ئەو زیادبوونەش لەسەروو چاوەڕوانییەکانی بازاڕەوەیە.

وەزیری پیشەسازیی و تەکنەلۆجیا تیشکی خستووەتە سەر ئەوەی زیادبوون لە بەرهەمهێنانی پیشەسازییدا لە حەوت مانگی یەکەمی ئەمساڵدا لەسەدا ٧،٣یە و ئەم رێژەیە بەراورد بە هەمان مانگی ساڵی رابردوو نیشانەی ئەدایەکی بەرزتر و بەهێزترە و رایگەیاندووە "بەو شێوەیەش ماوەی ٢٢ ساڵە بەرهەمهێنانی پیشەسازیی لە تورکیا بێ وەستان لە گەشەکردندایە. ئامارەکان جارێکی دیکە بەرگەگرتوویی بەردەوامی پیشەسازییەکەمان لەبەرامبەر هێرشە ئابوورییەکاندا نیشاندەدەن".