ئیزمیر.. رزگارکردنی ٥٧ پەنابەر لە خنکان

تیمی فەرماندەیی ئاسایشی كەناراوەكان ٥٧ کەسی لە خنکان رزگار کرد کە لە کاتی چوونیان بۆ یۆنان بەشێوەیەکی نایاسایی لە نێو دەریادا گیریان خوارد بوو.

بەگوێڕی روونكردنەوەیەكی فەرماندەیی ئاسایشی كەناراوەكان، ٥٧ پەنابەر كە دەیانویست لە كەناراوەكانی شارۆچكەی دیكیلی سەربە پارێزگای ئیزمیر بەرەو دوورگەكانی یۆنان بچن لە نێو دەریادا گیران خوارد و دواتر لەلایەن تیمەكانی فەرماندەی ئاسایشی كەناراوەكانەوە رزگار كران.

بەهۆی تێكچوونی باری تەندروستییان، تیمەكانی فریاگوزاری ١٢ كەسی لەو ٥٧ كەسە گەیاندە نەخۆشخانەی ناوچەكە و ئەوانەی دیكەش گەیەنرانە بەندەری دیكیلی.

لە دوو رۆژی رابردوودا ٣٣١ پەنابەر لە لایەن تیمەكانی فەرماندەیی ئاسایشی كەناراوەكانەوە لە نێو ئاوی دەریادا رزگار كراون.