ئێران: "رووسیا و ئێڕان بێدەنگ نامێننەوە"

تاران - AA

سەرۆکی کۆمسیۆنی سیاسەتی دەرەوە و ئاسایشی نیشتمانی ئێران عەلائەدین بوروجەردی ئاماژەی بەوە کرد کە ئێران دژی ئەو هێرشەیەی ئەمریکایە بۆسەر بنکەیەکی سەربازیی سووری و گوتی: "رووسیا و ئێران بە بێدەنگی نامێننەوە دەرهەق بەو هێرشە".

لە لێدوانێکی بۆ ماڵپەڕی پەرلەمانی ئێران (İCANA) بروجەردی رایگەیاند کە رووسیا و ئێران بە بێدەنگی نامێننەوە دەرهەق بەو هێرشەی بۆسەر سووریا کراوە.

ناوبراو هێرشەکەی ئەمریکای بە کارێکی نەزانانە وەسفکرد و بانگەشەی ئەوەی کرد کە رژێمەکەی ئەسەد چەکی کیمیایی بەکارنەهێناوە لە هێرشەکانیدا.