خولی یانە پاڵەوانەکانی ئەورووپا بۆ تۆپی پێ

لە هەفتەی چوارەمی خولی یانە پاڵەوانەكانی ئەورووپا بۆ تۆپی پێ یانەی ریال مەدریدی ئیسپانی بە گۆڵێكی بێ‌بەرامبەر لە یانەی پاریس سانجێرمانی فەڕەنسی بردەوە.

یاریەكە كە لە یاریگای ریال مەدرید بەڕێوەچوو تێیدا هەردوو یانە بەترسەوە یارییان دەكرد تا ئەوكاتەی یاریزانی هێلی بەرگری ریال مەدرید ناچۆ لە خولەكی ٣٥دا گۆڵی بردنەوەی بۆ یانەكەی تۆمار كرد.

یاریەكەش بەو ئەنجامە كۆتایی هات و یانەی ریال مەدرید بە كۆكردنەوەی ١٠ خاڵ پێشەنگی گرووپی (ئەی) گرت.