دادوەرێکی کاندید بۆ دادگای باڵا رەخنە لە ترەمپ دەگرێت

ئەنقەرە- AA

ئەو دادوەرە محافزکارەی کاندیدی سەرۆکی ئەمریکا، دۆناڵد ترەمپ بوو بۆ ئەندامێتیی لە دادگای باڵادا، نێڵ گۆرسوش گوتەکانی ترەمپی لەبارەی دادگاکانەوە بە ''ناخهەژێن و رووخێنەر'' ناوبرد.

نێڵ گۆرسوش ئەو گوتە رەخنەئامێزانەی لە کۆبوونەوەیەکی تایبەتدا لەگەڵ سیناتۆری دیموکراتی، ریچارد بلومێنتاڵ کردووە.

ریچارد بلومێنتاڵ بەکەناڵی سی ئێن ئێنی راگەیاندووە کە گۆرسوش رەخنەی لە لێدوانەکانی ترەمپ لەبارەی دادگاکانەوە، گرتووە و گوتوویەتی ''بەبڕوای ئەو دادوەرە، گوتەکانی دۆناڵد ترەمپ ناخهەژێن و رووخێنەر بوون و بەشێوەیەکی روونیش ئەوەی هێناوەتە سەر زمان''.

سەرۆکی ئەمریکا، دۆناڵد ترەمپ دوای دەستبەکاربوونی، دادوەری ویلایەتی کۆلۆرادۆ، نێل گۆرسوشی وەک کاندید بۆ ئەو جێگە بەتاڵەی لە دادگای باڵادا هەبوو، دەستنیشان کردبوو.