مەسرور بارزانی پرسە و هاوخەمی خۆی لەگەڵ خەڵکی تورکیا راگەیاند

هەولێر - AA

سەرۆکی حکوومەتی هەرێمی کوردستان، مەسرور بارزانی بەهۆی ئەو بوومەلەرزەیەی ئێوارەی رۆژی هەینی لە پارێزگای ئیزمیر رۆژئاوای تورکیا روویدا، پرسە و هاوخەمی خۆی لەگەڵ خەڵکی تورکیا راگەیاند.

مەسرور بارزانی لە هەژماری تایبەتی خۆی لە تۆڕی کۆمەڵایەتی تویتەر نووسیوویەتی: "هاوخەمی خۆم لەگەڵ ئەوانەی بە هۆی بوومەلەرزە وێرانکەرەکەی ئەمڕۆی دەریای ئیجە بوونە قوربانی دەردەبڕم. هیوای زوو چاکبوونەوە بۆ بریندارەکان دەخوازم. هاوسۆزم لەگەڵ خەڵکی تورکیا و یۆنان لەم کاتە سەختەدا".

ئێوارەی ئەمڕۆ هەینی، بوومەلەرزەیەک بە گوڕی ٦.٦ پلە لە پارێزگای ئیزمیر رۆژئاوای تورکیا روویدا، بەپێێ ئامارە سەرەتاییەکان، تاوەکو ئێستا ١٢ کەس گیانیان لەدەستدا و ٤١٩ کەسی دیکە برینداربوونە.