پێکدادانی لایەنگرانی رژێمی ئەسەد و رێکخراوی تیرۆریستیی داعش

ئیدلب- AA

بەپێی هەواڵی کەناڵە ناوخۆییەکانی سووریا لە ناوچەی بادیە سەربە پارێزگای حومس پێکدادان لەنێوان هێزەکانی رژێمی سووریا، هێزە تایبەتییەکانی رووسیا و میلیشیا ئێرانییەکان لەگەڵ چەکدارانی رێکخراوی تیرۆریستیی داعش روویداوە.

پێکدادانەکە دوای دزەکردنی چەکدارانی داعش بۆ ناو هێزەکانی رژێمی ئەسەد، روویداوە و تیایدا چەندین سەربازی هێزەکانی رژێمی سووریا کوژراون.

دوابەدوای ئەمە فڕۆکە جەنگییەکانی رووسیا هێرشیان کردە سەر تیرۆریستانی داعش.

تا ئێستا پێكدادان لە ناوچەکەدا بەردەوامە.

رێکخراوی تیرۆریستیی داعش لە پارێزگاکانی حومس و دێرازۆر ناو بە ناو پەلاماری هێزەکانی ئەسەد و گرووپە تیرۆریستییە بیانییەکان دەدات.

چەکدارانی داعش دوای لە دەستدانی قەڵاکانیان لە رەققە و دێرازۆر، ئێستا تەنها لە بیابانەکانی رۆژهەڵاتی حومس و رۆژئاوای دێرازۆر بەشێوەیەکی پەرشوبڵاو ماون.