پەیوەنديی تەلەفۆنيی وەزیرانی دەرەوەی تورکیا و ڕووسیا

ئەنقەرە - AA

وەزیری دەرەوەی تورکیا، هاکان فیدان پەیوەندییەکی تەلەفۆنی لەگەڵ وەزیری دەرەوەی ڕووسیا، سێرگی لاڤرۆڤ ئەنجام دا.

بەپێی ئەو زانیارییەی لە سەرچاوە دیپلۆماسییەکانەوە دەستکەوتووە، فیدان پەیوەندییەکی تەلەفۆنی لەگەڵ هاوتا ڕووسییەکەی لاڤرۆڤ ئەنجامداوە.

لەو دیدارەدا تاوتوێی دانووستانە ئاشتییانەکانی نێوان ئازەربایجان و ئەرمینیا کرا.

لای خۆیەوە وەزیری دەرەوە فیدان، جەختی لەسەر گرنگیی بەزووی ڕێککەوتنی ئاشتیی کردەوە.