ژمارەی تووشبووانی کۆرۆنا لە جیهاندا ٣٢ ملیۆن و ١٠٤ هەزاری تێپەڕاند

ئەنقەرە- AA

ماڵپەڕی "Worldometer" نوێترین ئامارەکانی تایبەت بە ڤایرۆسی کۆرۆنای لە جیهاندا بڵاوکردەوە.

بەپێی ئامارەکان تا ئێستا، ٩٨٢ هەزار و ٤٧ کەس بەهۆی ڤایرۆسەکەوە گیانیان لەدەستداوە.

هەروەها ژمارەی تووشبووانی ڤایرۆسەکە گەیشتووەتە، ٣٢ ملیۆن و ١٠٤ هەزار و ٢٤٨ کەس، لەو ژمارەیەش ٢٣ ملیۆن و ٦٨٥ هەزار و ٨٧٧ تووشبوو چاکبوونەتەوە و حەوت ملیۆن و ٤٣٦ هەزار و ٣٢٤ تووشبووی دیکەش چارەسەریان بەردەوامە.

زۆرترین حاڵەتەکانی تووشبوون و گیانلەدەستدان بەهۆی کۆرۆنا لە ویلایەتە یەکگرتووەکانی ئه‌مریكا تۆمار کراوە کە حەوت ملیۆن و ١٣٩ هەزار و ٥٥٣ حاڵەتی تووشبوون و ٢٠٦ هەزار و ٥٩٣ حاڵەتی گیانلەدەستدانە.

لە دوای ئەمریکا، ریزبەندی ئەو وڵاتانەی ژمارەی تووشبووانی کۆرۆنا تیایدا لە ٣٠٠ هەزار تێپەڕیوە بەم شێوەیەیە:

هیندستان پێنج ملیۆن و ٧٣٢ هەزار و ٥١٨، بەڕازیل چوار ملیۆن و ٦٢٧ هەزار و ٧٨٠، رووسیا یەک ملیۆن و ١٢٢ هەزار و ٢٤١، کۆلۆمبیا ٧٨٤ هەزار و ٢٦٨، پێرو ٧٨٢ هەزار و ٦٩٥، مەکسیک ٧١٠ هەزار و ٤٩، ئیسپانیا ٦٩٣ هەزار و ٥٥٦، کۆماری باشووری ئەفریقا ٦٦٥ هەزار و ١٨٨، ئەرجەنتین ٦٦٤ هەزار و ٧٩٩، فەڕەنسا ٤٨١ هەزار و ١٤١، چیلی ٤٤٩ هەزار و ٩٠٣، ئێران ٤٣٢ هەزار و ٧٩٨، بەریتانیا ٤٠٩ هەزار و ٧٢٩، بەنگلادیش ٣٥٣ هەزار و ٨٤٤، سعوودیە ٣٣٢ هەزار و ٦٣٥، عێراق ٣٣١ هەزار و ٣٥٩، پاکستان ٣٠٨ هەزار و ٢١٧، تورکیا ٣٠٨ هەزار و ٦٩ و ئیتاڵیا ٣٠٢ هەزار و ٥٣٧.