ھێرشی ئاسمانی ئەمریکا لە یەمەن

وەزارەتی بەرگری ئەمریکا رایگەیاند کە لە هێرشیکی ئاسمانی لە یەمەن، بە دەیان چەکداری رێکخراوی ئەلقاعیدە کوژراون.

گوتەبێژی وەزارەتی بەرگری ئەمریکا، پیتەر کووک رایگەیاند کە ھێرشەکە دوێنێ سێشەممە بۆسەر کەمپەکانی راھێنانی ئەو رێکخراوە ئەنجام دراوە.

راشیگەیاند کە بە لانیکەم ٧٠ چەکداری ئەلقاعیدە لەم کەمپەکەدا بوون.

کووک ئاشکراشی کرد کە بەردەوام دەبن لەسەر ھەڵسەنگاندنی ئەنجامەکانی هێرشەکە کە مەزندە دەکرێت تیایدا دەیان چەکداری رێکخراوی ئەلقاعیدە کوژرابن. بەڵام بە ووردی ئاماژەی بە ژمارەی کوژراوەکان نەدا.