پەلامارێکی داعش لە باکووری عێراق کوژرانی سێ سەربازی لێکەوتەوە

ھەولێر ــ AA

سەرچاوەیەکی ئەمنی لە عێراق راگەیاند کە لە ئاکامی پەلامارێکی تیرۆریستانی داعش بۆسەر ھێزەکانی سوپای عێراق لە پارێزگای نەینەوا باکووری ئەو وڵاتە، سێ سەرباز کوژران.

سەرچاوەکە بۆ میدیا عێراقییەکانی ئاشکرایکردووە کە تیرۆریستانی داعش، ھێرشیانکردووەتە سەر ھێزەکانی سوپای عێراق لە سنووری قەزای مەخموور باشووری رۆژھەڵاتی پارێزگای نەینەوا.

بەگوتەی سەرچاوەکە، ھێزەکانی سوپای عێراق بەرپەرچی پەلامارەکەیان داوەتەوە کە لە میانیدا ژمارەیەک تیرۆریستی داعش کوژراون.

سەرچاوەکە ئاماژەی بەوەیشداوە کە لە میانی بەرپەرچدانەوەی پەلامارەکەدا، سێ سەرباز کوژراون.