بایرەن میونخ بووە پاڵەوانی جامی ئەڵمانیا

شەوی رابردوو هەردوو یانەی بایرەن میونخ و بروسیا دۆرتمۆند له‌ یاری کۆتایی جامی ئه‌ڵمانیا رووبه‌ڕووی یه‌كتر بوونه‌وه‌.

لە تەواوی هەردوو گێمدا هەردوو یانە نەیانتوانی گۆڵ لە یەکتر تۆمار بکەن و ناوبژیوانی یارییەکە بە ناچاری پەنای برد بۆ کاتی زیادکراو.

دیسانەوە هەردوو گێمی زیادکراو بەبێ گۆڵ تەواو بوو و ئەم جارەیان پەنا برایە بەر لێدانی یەکلاکەرەوە.

یانەی بایرەن میونخ توانی بە ئەنجامی ٤-٣ لێدانی سزا یارییەکە بە سوودی خۆی بە کۆتا بهێنێت و ببێتە پاڵەوانی جامی ئەڵمانیا بۆ وەرزی ٢٠١٥-٢٠١٦.